|
Ҡасҡындар тураһындағы йырҙар
Ҡасҡындар тураһындағы йырҙар — башҡорт тарихи йырҙарының ҙур төркөмөн тәшкил итә. Уларҙың тыуыуына XVIII быуат ихтилалдарының бер-бер артлы аяуһыҙ ҡанһыҙлыҡ менән баҫтырылыуы, эҙәрләүҙәрҙең көсәйеүе, өҫтәүенә, 1798 йылда Башҡортостанда ҡанһыҙ кантондар идаралығының ойошторолоуы сәбәпсе булған.
Йырҙарҙа ҡасҡын төшөнсәһенә тәрән социаль мәғәнә һалынған, күпселек йырҙарҙа һүрәтләнеүенсә, ҡасҡын — ул үҙ мәнфәғәте өсөн ҡайҙа етте шунда юл баҫып, кемде етте шуны талап йөрөүсе уғры, бур түгел. Был ике төшөнсә йырҙарҙа бер-береһенә ҡапма-ҡаршы ҡуйып һүрәтләнә. Был турала "Бейеш батыр"
йырында бик асыҡ әйтелгән.
Йырҙарҙан күренеүенсә, ҡасҡын, барынан да элек, йәшәп килгән тәртиптәргә ризаһыҙлыҡ белдереп ҡаршы сыҡҡан өсөн хөкөм ителгән, йә булмаһа баструктан ҡасып ҡайтып, власть кешеләренән йәшеренеп йөрөп социаль тигеҙһеҙлеккә ҡаршы стихиялы һәм яңғыҙаҡ көрәш алып барыусы кеше.
|
Статистика |
---|
Онлайн бөтәһе: 1 Ҡунаҡтар: 1 Сайтты эшләүсе 0 |
|